خذني بقلبكـ,,

**أمانى**

خذني معك .. من وين ما رحت .. وياك
ــــــــــ خذني بقلبك .. دام قلبي .. رهينك

صعبه ترى لو شفت .. وشلون أنساك
ــــــــــ لو طفت هالعالم .. تراني سجينك

عذبتني .. واشقيت روح ٍ تمناك
ــــــــــــ لو ( الهوى ) ينطق .. وربي يدينك

مات الغلا .. ينزف على درب ذكراك
ــــــــــــ رغم الجفا .. لا زال .. يرجي حنينك

بعدك حياتي .. كلها ضيق .. وارباك
ــــــــــــ الواقع .. اللي .. ما تمناه .. عينك

كل المشاعر .. في غيابك .. تحراك
ــــــــــــ تصرخ عليك من الوله .. حيل .. وينك

مقدر على بـُـعدك .. حشى كيف فرقاك
ــــــــــــ هذي الحقيقة .. خليها .. في يقينك

ادري تساوميني بروعة .. مزاياك
ــــــــــــ وتدري اضيع .. إليا بدالي .. جبينك

همك عذاب .. اللي نسى الناس .. لرضاك
ــــــــــــ وهمي اشوفك .. متهنية .. في سنينك

لو تطلبي اسنين العمر .. من فداياك
ـــــــــــ سلمت لك عمري .. براحت .. يمينك

منك احتملت من الشقى فوق .. ما جاك
ـــــــــــ ذقت العناء والهم .. كني ..حزينك

يكفي .. دخيلك ( حسي ) باللي ترجاك
ـــــــــــ لا عاش منهو .. يا حياتي .. يهينك

تعبت مالي .. بالهوى غير .. دنياك
ــــــــــــ مديت لك يمناي .. عطني .. يدينك

اعاهدك .. ببقى على الحب .. منساك ..............!!
ـــــــــــ عهد ٍ قطعته .. بين قلبي .. وبينك
********************************************
*
*